|
| 諗起之前o係公司叫佢地 "baby", 之後一傳二, 二傳四, 四傳八....... 眨下眼, 全公司都後加 "baby" 稱號了!!!  哈哈哈, 好搞笑, 感覺好 close, 氣氛都好 d, 不過最接受唔到係某人都叫 "baby" 囉, 我想嘔呀簡直!!!!!!!!  | | |
| update 下呢期做過咩先...... "國慶黃金週" 日日有節目, 食食食, 玩玩玩, 好開心!!! 最正係十一紅日打完壁球去唱k, 黃金時段唱4個鐘, 送下午茶, 送兩杯o野飲, 竟然只需要 $49!!!!!!! 誠意向大家推薦位於合益商場 (並非合益廣場, 而係賣咸碟 / 模型 o個個合益商場) 3樓的 Good Music! 歌齊, 設備完善, 食物稱得上好食, 最重要係價錢抵嘛!!!  今年食左一個好好食o既生日蛋糕, 多謝 Lila!!! (你班死o野, 又話幫我搞生日會, 生日歌都冇首, 蛋糕又冇件, 旨意你地真係唔得掂... 唔食甜o野並唔係藉口o黎, 冇誠意就係冇誠意) 不過生日禮物方面就各樣都好鍾意, 多謝各位!!!  尋日玩 "正方形" (好似叫"方塊遊戲") 贏o左, 雖然某程度上係因為奸人貴唔知點解行少o左一次, 但都係值得記低o既一件事 突然之間想幫 Miss Tang 慶祝生日, 已經識o左12年了, 真係耐... | | |
| "活學" 的黎 sir 死o左............. 我一世人唯一去過o既補習社, 原來係佢開o既, 真係人不可以貌相......... 之前見佢係助教又成日搞笑, 以為佢係二打六, 點知原來係 Amanda Tann 個老公!!! 我諗 Miss Tann 一定好傷心了, 因為我都有 d 傷感...........  | | |
| 自己動手幫部電腦換o左 2G RAM, 感謝正聿的 "砌機教室" + 實踐時間, 好清楚, 一學就識!!! 你真係好好人呀～ 另外都多謝俾我老笠o左兩條 RAM o既人啦, 對我部電腦都有 d 貢獻  想試下學砌機, 如果呢部機壽終正寢就搵人幫我砌, 正聿一定係首選啦, 因為有售後服務!!! 哈～ | | |
| 這陣子常常一家人周圍去, 行街睇戲食飯樣樣做齊 (全部都係我俾$$$....), 都幾開心, 因為已經有十年八載冇成家人出去玩過了, 因為冇錢................................................... 肥肉婷話我地呢兩個月好似補番過去o個咁多年冇玩過o既o野, 冇食過o既飯, 冇睇過o既戲咁.......... 所以其實工作都有工作的好處, 但要有 "適量" o既假期囉, 好似我宜家咁都唔錯!!! 好想記低 6月26日同 Miss Tang 食晚飯, 食一壽司, 因為一心諗住終於可以請佢食飯, 所以就叫佢隨便點, 佢叫o左好多唔平o既壽司 (驚~), 我亦都叫o左唔少 (驚~), 但最後竟然係 Miss Tang 請番我轉頭......... 老實講真係有少少唔開心, 因為覺得自己咁大個人, 生活都唔算十分潦倒, 但每次食飯都仍然係佢請........... 我知佢係想我慳番d錢, 但我都係想表達下我一份 "孝心" o者 (唉...), 況且幾百蚊, 我都俾得起o既.................... 咁多年, 越來越覺得以前有個老師講得o岩： 那些 (所謂的) "壞學生" 才是最有心的............... 畢業之後, 會回去探老師, 會和他們飲茶食飯的, 往往就是那些被罰得最多, 罵得最慘的人!!! 也對呢, 雖然我離校十年, 但我初中認識的老師 (有的沒教過我, 只是 "偶爾" 聽過我的 "臭名" 而已~) 仍然很關心我, 而且是真心的關心, 很難得.................... 我也是很愛她們的, 也是很難得!!! | | |
|
